Co obxectivo de modernizar a actividade comercial e reforzar a competitividade dos dous postos que Peixes Lano S.L. xestiona no Mercado da Magdalena de Ferrol, o proxecto contempla a incorporación de novo equipamento orientado á dixitalización da xestión comercial e á mellora da comercialización dos produtos pesqueiros.

As principais actuacións son as seguintes:

• Incorporación de catro balanzas electrónicas con software integrado, adaptadas ao sistema VERIFACTU, que permitirán dixitalizar a xestión comercial, mellorar a trazabilidade dos produtos, optimizar os procesos de facturación, etiquetaxe e control administrativo, facilitando a adaptación ás novas obrigas normativas.
• Adquisición dunha envasadora ao baleiro, destinada á elaboración de novos formatos de comercialización que melloren a conservación, presentación e vida útil dos produtos pesqueiros, favorecendo a diversificación da oferta comercial e un maior aproveitamento do produto.

Estas actuacións permitirán avanzar na modernización e dixitalización da empresa, mellorar a eficiencia dos procesos de traballo, reforzar a comercialización dos produtos do mar e ofrecer unha resposta máis adaptada ás necesidades actuais da clientela, consolidando a competitividade dun comercio familiar con longa traxectoria no Mercado da Magdalena de Ferrol.