Rehabilitación integral de dúas edificacións independentes no lugar de Chantada, Souto (Concello de Paderne). Actuación promovida por unha muller co obxectivo de destinar unha delas a "Pousada Mariñeira" e a outra a un "Bar restaurante". A finalidade é recuperar, poñer en valor e dinamizar o medio natural da vila mariñeira rural na que se sitúan e que a súa vez é paso do Camiño Inglés de peregrinación a Santiago de Compostela. Potenciaranse actividades de promoción do patrimonio cultural pesqueiro mediante convenios con diferentes entidades para a realización de conferencias, charlas, exposicións, así como con confrarías de pescadores da contorna para realizar visitas a zonas acuícolas e pesqueiras por unha banda, e por outra, degustación de produtos locais do territorio. Neste proxecto colaboraran entidades do sector pesqueiro do territorio.