"Mar de Sorrizo" é unha iniciativa orientada á recuperación e posta en valor do patrimonio cultural, material e inmaterial pesqueiro e do litoral do Concello de Arteixo. O proxecto promove a difusión e a posta en valor do patrimonio ligado ao mar a través de diferentes acción de dinamización. Ademais, co obxectivo de divulgar e poñer en valor espazos singulares existentes no territorio, esta proposta apoiase no emprego dun espazo habilitado para a creación dun futuro centro de interpretación, dando os primeiros pasos deste obxectivo a través do desenvolvemento do presente proxecto. 

As principais accións do proxecto son a implementación dunha exposición de vinilos de gran tamaño que amose as historias do mar na vila (oficios, naufraxios, biodiversidade, xentes, etc.), o deseño e guiado de dúas ruta tematizadas para facer a pé ao tempo que se dá a coñecer o patrimonio mariñeiro, a realización de obradoiros, un certame de pintura e, finalmente, unha xornada sobre naufraxios, xeoloxía e patrimonio.