O proxecto de Pescados Eduardo Pena, S.L. céntrase na implantación dun sistema
propio de xeración e almacenamento de xeo, co obxectivo de mellorar a
conservación, xestión e calidade do produto pesqueiro e marisqueiro. Esta inversión
responde á crecente actividade da empresa e á estacionalidade das especies, que
xera períodos nos que o suministro externo de xeo resulta insuficiente, limitando a
capacidade de compra en lonxa e a correcta xestión do produto.
A nova instalación permitirá asegurar a dispoñibilidade continua de xeo, reforzando a
cadea de frío, mellorando a seguridade alimentaria e reducindo mermas. Isto
tradúcese nunha maior calidade e valor engadido do produto que chega ao
consumidor final, poñendo en valor a pesca e marisqueo de proximidade.
Ademais, o proxecto aumentará a autonomía operativa da empresa, mellorará a
planificación e control do proceso e favorecerá a adquisición de maiores volumes en
campañas estacionais, beneficiando directamente á pesca artesanal local. O equipo
seleccionado é enerxeticamente eficiente e emprega refrigerante de menor impacto,
contribuíndo á sustentabilidade ambiental da actividade.
Desde o punto de vista socioeconómico, a actuación consolidará o emprego existente
e permitirá a creación dun novo posto de traballo a tempo completo, mellorando ao
mesmo tempo as condicións de traballo. Os resultados servirán de referencia para
outras empresas do sector, promovendo a modernización, a competitividade e a
valorización do produto pesqueiro no territorio.