Hotel e Vinomariteca Casa Maruxa

Principais obxectivos do proxecto:

Impulsar un modelo de turismo sostible vinculado ao sector pesqueiro, baseado na promoción do produto mariño local e da cultura gastronómica das Rías Altas.
Fomentar o consumo de produtos do mar de proximidade e contribuír á valorización da pesca e do marisqueo como elementos diferenciadores do territorio.
Promover a identidade gastronómica e o patrimonio mariñeiro do Golfo Ártabro Norte mediante unha oferta turística innovadora e integrada.
Contribuír á dinamización económica do territorio mediante a creación de emprego estable e o fortalecemento da actividade turística vinculada ao sector marítimo-pesqueiro.

Resultados concretos previstos coa implementación do proxecto:

Creación dun establecemento turístico especializado que integra servizos de hospedaxe, vinomariteca-cafetería, tenda gourmet e espazos para a realización de eventos e actividades divulgativas vinculadas ao sector pesqueiro.
Posta en marcha dun centro de interpretación dedicado á promoción do produto mariño, das lonxas, da gastronomía, da maridaxe e da cultura mariñeira das Rías Altas.
Creación de 3 postos de traballo estables, contribuíndo á dinamización económica e á xeración de emprego no territorio.
Incremento da promoción e valorización do produto pesqueiro local, favorecendo o consumo de produtos do mar de proximidade e reforzando a identidade gastronómica do Golfo Ártabro Norte.

Principais actividades do proxecto:

Rehabilitación e acondicionamento do inmoble para a súa posta en funcionamento como establecemento turístico vinculado ao sector marítimo-pesqueiro.
Creación dunha vinomariteca-cafetería, unha tenda gourmet e espazos destinados á celebración de eventos e actividades divulgativas.
Dotación do establecemento con mobiliario, equipamento e elementos necesarios para o desenvolvemento da actividade.
Deseño e instalación de contidos interpretativos orientados á divulgación do produto mariño, das lonxas, da gastronomía das Rías Altas, dos viños galegos e da maridaxe con produtos pesqueiros locais.
Desenvolvemento de actividades de promoción e difusión da cultura gastronómica e do patrimonio mariñeiro, favorecendo a valorización do produto pesqueiro de proximidade.

Formulario de busca