• Unha nova plataforma que reflicte o compromiso coa modernización e o desenvolvemento sostible
• Un portal máis intuitivo e dinámico que simboliza un paso adiante na comunicación da entidade

O Grupo de Acción Local do Sector Pesqueiro (GALP) Ría de Pontevedra presenta a súa renovada páxina web, unha ferramenta clave para a divulgación das súas iniciativas e a promoción da riqueza cultural e natural da zona.

A xerente do GALP, Laura Nieto Zas, destaca que "esta renovación dixital reflicte a nosa evolución e adaptación ás novas tecnoloxías, ofrecendo unha experiencia de usuario mellorada e accesible para todos".

A nova web chega cargada de innovacións, deseñada para facilitar o acceso á información e mellorar a interacción cos usuarios. "Queremos que a nosa nova imaxe en liña sexa o espello da renovación constante do noso sector, e que transmita a modernidade sen esquecer as nosas raíces", afirmou Laura Nieto Zas. Esta plataforma pretende ser un punto de encontro entre a tradición mariñeira e os novos camiños de desenvolvemento sustentable que o GALP está a trazar.

A nova interface, xunto coa mellora da navegabilidade, busca reforzar a imaxe do GALP Ría de Pontevedra como unha entidade innovadora. "A accesibilidade é fundamental para nós. Queremos que calquera persoa, independentemente da súa habilidade dixital, poida informarse e participar nas nosas accións", explicou Nieto Zas. Con este lanzamento, o GALP Ría de Pontevedra dá un paso adiante na súa misión de ser unha ponte entre a comunidade pesqueira e a sociedade.