Mellora nos servizos ofrecidos e na comercialización a través da lonxa de Bueu (CrustaComer)

Principais obxectivos do proxecto:

Poñer en valor a importancia da pesca artesanal, a través da divulgación da sustentabilidade e da importancia da pesca artesanal.
Facilitar a comprensión da contorna da lonxa, e con elo da pesca costeira artesanal, aos escolares e a tódalas persoas coa guía didáctica “Ondas e redes: a viaxe do mar á terra”, traballando dende o contexto mariñeiro e abordando dende o día a día na lonxa ata métodos e estratexias para coidar os nosos litorais e océanos.
Concienciar da importancia da conservación do medio para garantir a sustentabilidade dos recursos, grazas á xornada realizada co Club de Actividades Subacuáticas Baixo dos Mares
Visibilizar o papel da muller no sector pesqueiro artesanal, coa xornada de homenaxe organizada por AMEI Ría de Pontevedra.

Resultados concretos previstos coa implementación do proxecto:

Mellorar a comercialización dos produtos da pesca artesanal mellorando a saída comercial de crustáceos.
Mellorar os servizos ofrecidos na lonxa.
Mellorar a eficiencia enerxética e o consumo de auga da lonxa, coa modernización do centro de estabulación de crustáceos.

Principais actividades do proxecto:

En relación á promoción da cultura mariñeira realizaranse tres visitas a centros escolares para amosar as distintas artes empregadas na pesca costeira artesanal e as especies que con elas se capturan.
Farase unha xornada impartida pola Asociación Mulleres AMEI Ría de Pontevedra para a visibilización da muller no sector pesqueiro.
Vaise a elaborar por parte da Federación Galega de Autismo unha guía didáctica “Ondas e redes: a viaxe do mar á terra” para facilitar a comprensión da contorna da lonxa aos escolares, traballando dende o contexto mariñeiro e abordando dende o día a día na lonxa ata métodos e estratexias para coidar os nosos litorais e océanos.
Ao longo do proxecto CrustaComer vaise a realizar, en colaboración co Club de Actividades Subacuáticas Baixo dos Mares, unha retirada de residuos en praias do concello.
En relación á mellora dos servizos da lonxa e que benefician ao sector pesqueiro, vaise a modernizar o centro de estabulación de crustáceos, tirando as piscinas actuais e instalando equipos de almacenamento modernos que permitan o seu uso independente, reducindo o consumo de auga e o gasto enerxético dos equipos. Este centro contará ademais cun equipo informático para unha mellor trazabilidade destes produtos, emitindo os correspondentes documentos oficiais dende o mesmo.

Formulario de busca