a) O principal obxectivo do proxecto:
O obxectivo principal do proxecto é revalorizar o valor ambiental do “Espazo natural de Punta Balea” tanto nos valores ambientais terrestres, litorais como mariños, dotando a instalación do edificio da Congorza como observatorio ambiental e punto de interpretación do medio así como dotándoo para ser un punto auxiliar da Rede de Varamentos de Galicia, operando como unidade de coidados intensivos-UCI de tartarugas e mamíferos mariños.
b) Son obxectivos particulares:
Revalorizar o valor ambiental do “Espazo natural de Punta Balea” mediante a dotación de ferramentas de interpretación e acción ambiental directa.
Describir e destacar os valores ambientais terrestres, litorais e mariños.
Dotar á instalación do matadoiro punto de interpretación do espazo natural.
Converter á instalación do matadoiro nun observatorio ambiental.
Dotar á instalación do matadoiro como punto auxiliar da rede de varamentos e unidade de coidados intensivos de tartarugas e mamíferos mariños, permitindo custodiar e rehabilitar exemplares como satélite das UCIS xa establecidas actualmente.
Promover as embarcacións tradicionais como ferramentas de uso e adaptación ás condicións do medio para a obtención de recursos.
Crear ferramentas audiovisuais para destacar o valor ambiental das baleas no contexto actual e en relación ao que supuxeron na Punta Balea.
Destacar o valor eco-biolóxico dos mamíferos mariños nas augas litorais do espazo protexido.
Deseño de roteiro físico e dixital, terrestre e marítimo, do espazo natural.
Realizar actividades periféricas de promoción e divulgación do proxecto.
Mellorar os medios divulgativo-formativos para difusión da asistencia e apoio aos animais varados.
