Hoxe falamos con Beatriz Verdes Veiga, filla e neta de mariñeiros, promotora de Cabanas de Vendaval en Barizo, Malpica de Bergantiños.

Un campamento turístico singular na Costa da Morte, con 5 cabanas de madeira de tipoloxía mariñeira, conta con unha exposición permanente de artesanía de carpintería de ribeira e infografía mariñeira.

Como están as obras, foi difícil a súa xestión neste tempo de estado de alarma?

A obra está lista para poder abrir o público, estou tramitando a última documentación no Concello e en Turismo.

Tivemos varias complicacións pola situación dada polo covid19, atrasos nas entregas de material, retencións de pedidos en aduanas, dificultades cos trámites administrativos... que pouco a pouco, con esforzo e dedicación, fomos superando.

Ten fecha prevista de apertura, e con que medidas fronte o covid19?

Facemos unha xornada de portas abertas o sábado 27 de xuño a partir das 16:00horas, e abriremos o antes posible, estamos cos últimos trámites administrativos.

As características propias do aloxamento axudan fronte o covid19, xa que as cabanas son individuais e teñen código de entrada. A prioridade neste momento é a hixiene e desinfección por este motivo mercamos unha máquina de ozono portátil e dispoñemos de xel hidroalcohólico e máscaras.

Que ten de diferente o seu proxecto fronte os que xa hai pola zona?

O noso proxecto diferenciase pola seu enclave, nunha aldea de tradición mariñeira, berce dos percebeiros da zona, pola súa estética e simbolismo imitando as cores das casas mariñeiras e pola súa historia, dentro da recepción hai un pequeno museo homenaxe a meu avó que foi carpinteiro de ribeira.

Para mais información sobre o proxecto: https://cabanasdevendaval.com/

https://www.facebook.com/cabanasdevendaval/