O Concello de Narón para contribuír á mellora do contorno natural e a calidade ambiental leva a cabo distintas accións compatibilizando os usos do litoral con os usos máis sociais, culturais e turísticos sen que estes supoñan unha ameaza para o medio ambiente ou a integridade do territorio.  Realizaranse accións formativas e de divulgación, tanto para dentro do territorio como para fora, as internas co obxectivo de que a poboación de Narón sexa coñecedora de todas as accións e se involucre nas mesmas. Por outro lado, coas accións externas, busca dar a coñecer o proxecto, pero co obxectivo principal de dar a coñecer os produtos resultantes para poder conseguir máis visitantes no concello, e mais e mellor consumo dos produtos e as actividades vinculadas co noso mar. As actividades a realizar son: cursos de conservas e salazón e de algas e sushi; Aula itinerante marítimo costeira; Xornada da Ría: Historia, produtividade e estado; rutas medioambientais.