O proxecto da Aula ao Mar contribuirá a acadar todos estes obxectivos da seguinte forma: Obxectivo nº 2 sobre apoiar á diversificación dentro ou fóra da pesca comercial, apoio ao aprendizaxe permanente, á creación de emprego e a mellora do benestar social na zona costeira. Mediante o desenvolvemento de actividades náuticas relacionadas co deporte, ensinaremos á mocidade participante neste proxecto os recursos naturais e patrimoniais da nosa Ría de forma lúdica e desfrutando do seu tempo de lecer lonxe do sedentarismo. Ensinaremos ás escolas ademais, cales son os recursos que se explotan nesta Ría, a fauna e a flora, e cómo contribúen á riqueza económica do territorio. Para iso, nos roteiros deseñados polo equipo, achegaremos á mocidade á realidade do Mar, explicando os métodos de traballo que se utilizan, o patrimonio cultural que nos ofrece o territorio e métodos e formas que se poden poñer en marcha dende as súas casas, e dende accións pequenas, para respectar a biodiversidade e o medioambiente.