Trátase da reforma das instalacións lonxa de Muros situadas no porto para adecualas como centro de formación para o sector pesqueiro da localidade como de todo o territorio Galp, permitindo acceder á confraría a unha oferta de actividades formativas maior, xa que coa realización do proxecto poderase acceder a cursos online.

Reorganizar e centralizar as actividades de turismo mariñeiro da confraría coa creación dun centro de recepción dentro da propia lonxa.

Potenciar a labor social que ven desenvolvendo dende antano a confraría na comunidade pesqueira.

As instalacións cas que se conta na actualidade resultan ineficientes e obsoletas xa que non contan con capacidade suficiente nin ten acceso ás novas tecnoloxías para impartir formación adecuada ás necesidades que hoxe en día se requiren, como consecuencia as actuacións alcanzarán un mellor aproveitamento dos recursos existentes e crearán unhas instalación máis versátiles.

Por outra banda preténdese  dotar dunha nova imaxe ás actividades de turismo mariñeiro que ven desenvolvendo a confraría de Muros dende hai anos, de maneira que a imaxe deste novo centro engada valor ás propias actividades e que a rehabilitación do inmoble permita unha maior visibilización das mesmas.

Para lograr estes obxectivos é necesario dotala de equipamento e dun cambio de imaxe que permita identificar o edificio como o centro de recepción de actividades mariñeiras que esperte maior interese entre os visitantes, acadando ao mesmo tempo unha mellora enerxética e accesibilidade total ás persoas que desexen acudir.