-Creación e posta en marcha dunha Rede de establecementos turísticos de entorno 40 establecementos que promovan e ofrezan menús baseados en produtos locais, co protagonismo especial de peixes e mariscos, durante os meses de setembro, outubro, novembro, decembro, xaneiro, febreiro, marzo e abril.
-Celebración de 6 reunións explicativas do proxecto para a captación de membros no territorio, para a campaña que se iniciará en 2024 e a de 2025.
-Determinar o Manual de adhesión á rede aos establecementos que formarán parte da mesma.
-2 Sesións informativas sobre o contido do Manual e sobre as fases do proxecto e as actividades que se van desenvolver no proxecto, tanto as formativas como as de promoción e divulgación online e offline.
-Recollida de documentación sobre os membros da rede para usos promocionais, e asistencia técnica para o deseño do menú especial de cada membro, para a campaña de 2024 e 2025.
-Creación dunha rede duns 25 puntos de venda de produtos locais procedentes do mar do territorio, coa súa base de datos e fichas de cada entidade, co fin de informar e poñerlles en contacto cos membros da rede participantes.
-Coordinación dos membros da rede e facilitación da información necesaria para as actividades de promoción, formación e divulgación do proxecto.
-Organización de 2 xornadas de presentación do proxecto acompañadas de showcooking realizado por profesionais da hostalería local, con produtos pesqueiros locais, dirixidas aos medios de comunicación, poboación local, sector turístico e pesqueiro, autoridades, tecido asociativo, membros da rede de establecementos do proxecto, etc., con degustación.
-Organización de 2 xornadas de concienciación ambiental relacionado co mar desenvolvida por profesionais da materia, e con participación de proxectos locais existentes que contribúen, coa súa actividade, a poñer en valor este patrimonio.
-Organización de 1 xornada para poñer en valor e divulgar o patrimonio e a cultura mariñeira do ámbito de actuación do proxecto.
-Organización de 2 xornadas sobre a economía azul nas zonas pesqueiras, con especial atención ao concepto de quilómetro cero e turismo sostible, con formatos de mesas redondas e espazo para networking.
-Publicidade en medios offline, difundir notas de prensa, organizar roldas de prensa, convocar a medios para eventos que se realicen no marco do proxecto...
-Publicidade en medios online: poñer en marcha e dinamizar 3 redes sociais para promocionar o proxecto e as súas actividades utilizando como mínimo o galego e o castelán e realizando publicacións semanais en todas elas. Creación e produción de contidos audiovisuais para promocionar o proxecto (sobre 50 imaxes e ata 20 minivídeos para a promoción do proxecto e as empresas que formarán parte da rede.
-2 Vídeos promocionais institucionais, un para a promoción da campaña e outro que resuma os resultados do proxecto.
-Realización dun blogtrip coa temática gastronómica do mar, visitando os concellos do territorio e os establecementos do territorio que participen no proxecto para desfrutar dos menús elaborados con produto pesqueiro local, a concienciación ambiental e o patrimonio ligado ao mar e cultura mariñeira do territorio.
-Deseño, maquetación elaboración de merchandising co logotipo do proxecto, feito con materiais sostibles, como: Bolsa 100% algodón de comercio xusto, manteis desbotables de papel ecolóxico, mandís de comercio xusto, soportes para os menús, rollups, trípticos e chapas grandes.
