Sorry, you need to enable JavaScript to visit this website.

Alamar - Carpa

O proxecto do Club de Vela Alamar Sada ten como obxectivo mellorar e ampliar as instalacións do club mediante a adquisición dunha carpa multiusos de 7 x 12 metros, que permitirá dispoñer dun espazo cuberto, seguro e versátil para o desenvolvemento das actividades náutico-deportivas e de lecer marítimo que organiza a entidade. A nova infraestrutura poderá utilizarse como taller, garaxe, almacén ou espazo para clases, charlas, encontros e outros eventos, adaptándose ás necesidades do club ao longo de todo o ano.

A actuación permitirá mellorar as condicións nas que desenvolven a súa actividade os socios e socias do club e facilitará a ampliación da oferta de actividades dirixidas a colexios, asociacións, empresas, visitantes e colectivos con maiores dificultades de acceso ao deporte. Deste xeito, contribuirá a promover a vela e outros deportes náuticos como ferramentas de ocio, educación, inclusión social e transmisión de valores.

Así mesmo, o proxecto reforzará a relación do club co territorio, poñendo en valor a ría de Betanzos e o seu patrimonio marítimo e natural, fomentando o coñecemento e coidado do medio mariño e favorecendo a desestacionalización do turismo mediante novas actividades e experiencias náuticas ao longo de todo o ano.

Datos xerais
Acrónimo: 
-
Tipo de proxecto: 
Produtivo
Non produtivo
Tipo de proxecto: 
Individual
Conxunto
Cooperación
Datos do promotor
Nome e apelidos / Razón social: 
Club Alamar Sada
Datos de interese: 
Perfil empresarial: 
-
Datos do proxecto
Referencia normativa: 
ORDE do 12 de decembro de 2025 pola que se establecen as bases reguladoras para a concesión de axudas para proxectos ao abeiro das estratexias de desenvolvemento local participativo (EDLP), aprobadas aos grupos de acción local do sector pesqueiro (GALP) n
Convocatoria - ano: 
2026
Data de aprobación: 
16/07/2026
Prazo de execución
Prazo total (meses): 
4
Anualidades: 
2026
Data fin de execución: 
31/10/2026
Ámbito de aplicación: 

Golfo Ártabro

 

Información económica inicial do proxecto
Coste total do proxecto (subvencionable + non subvencionable): 
53285.98
Coste subvencionable do proyecto (inversión pública + inversión privada): 
53285.98
Total axuda pública aprobada (€): 
53285.98
% Subvención: 
100
Reparto de axuda pública aprobada
FEMP (€): 
37300.19
FEMP (%): 
70
CA (€): 
15985.79
CA (%): 
30
Indicadores
Sexo promotor: 
Muller
Home
Idade promotor: 
< 40 anos
> 40 anos
Negocio de nova creación: 
Sí
Non
Diversificación da actividade pesqueira: 
Si
Non
Emprego creado (ETC): 
Si
Non
Nº emprego creado (ETC): 
-
Emprego mantido (ETC): 
Si
Non
Nº emprego mantido (ETC): 
-
Actividades de formación: número de mulleres que participaron: 
-
Estratexia de desenvolvemento local participativa, obxectivos e prioridades dos proxectos
Principais obxectivos do proxecto: 

O proxecto ten como obxectivo mellorar as instalacións do Club de Vela Alamar Sada e dotar a entidade dun espazo multiusos que permita desenvolver as súas actividades en mellores condicións durante todo o ano. A nova infraestrutura facilitará a práctica e promoción da vela e doutros deportes náuticos, ampliando a oferta dispoñible para socios, escolares, asociacións, empresas e visitantes.

Así mesmo, preténdese favorecer un modelo de turismo náutico máis accesible, inclusivo e sostible, contribuíndo á diversificación e desestacionalización da actividade turística. O proxecto busca tamén reforzar a función social e educativa do club, utilizando o deporte como ferramenta para transmitir valores como a cooperación, o respecto, o esforzo e o traballo en equipo, e facilitando o acceso á vela a colectivos que habitualmente teñen maiores dificultades para practicar este tipo de actividades.

Por outra banda, a actuación contribuirá a poñer en valor o patrimonio marítimo e natural da ría de Betanzos, achegando á cidadanía o coñecemento da cultura mariñeira, da navegación tradicional e da importancia da conservación do medio mariño.

 

Resultados concretos previstos coa implementación do proxecto: 

A execución do proxecto permitirá mellorar de forma significativa as instalacións do Club de Vela Alamar Sada, proporcionando aos seus usuarios un espazo cuberto, seguro e funcional para o desenvolvemento de actividades deportivas, formativas e sociais durante todo o ano. A carpa facilitará o mantemento e conservación das embarcacións e do material do club e permitirá aproveitar de maneira máis eficiente o espazo dispoñible.

A mellora das instalacións favorecerá tamén o incremento e diversificación das actividades, facilitando a participación de novos socios e de colectivos como colexios, asociacións, empresas e visitantes. Deste xeito, o club poderá ampliar a súa oferta de turismo náutico e contribuír á desestacionalización da actividade turística en Sada e no contorno do Golfo Ártabro Sur.

O proxecto terá, ademais, un impacto social e territorial, ao favorecer o acceso á práctica da vela de nenos e nenas e de persoas pertencentes a colectivos con maiores dificultades de acceso ao deporte. Ao mesmo tempo, contribuirá á transmisión da cultura marítima e ao coñecemento da ría de Betanzos, promovendo o respecto e coidado do medio mariño e reforzando a vinculación da cidadanía co patrimonio natural e cultural do territorio.

Principais actividades do proxecto: 

A actuación principal consiste na adquisición e instalación dunha carpa multiusos de 7 x 12 metros, que permitirá mellorar notablemente as actuais instalacións do club e dispoñer dun espazo cuberto e adaptable a diferentes necesidades. Durante os meses de inverno poderá utilizarse como taller para realizar traballos de mantemento e reparación das embarcacións e como garaxe para protexer os barcos, remolques e vehículos do club. Tamén permitirá organizar e conservar adecuadamente o material utilizado nas actividades.

O espazo poderá transformarse, ademais, nunha aula ou sala de actividades para desenvolver cursos de vela, charlas, coloquios, presentacións e outras iniciativas relacionadas co deporte náutico, o patrimonio marítimo e a protección do medio mariño, mesmo en condicións meteorolóxicas adversas. Esta mellora facilitará a continuidade das actividades do club e permitirá ampliar a súa colaboración con colexios, asociacións, empresas e outras entidades.

O Club continuará desenvolvendo os seus cursos de vela e actividades de promoción doutros deportes náuticos, como o pádel surf e o kaiak, así como a organización de regatas, campamentos de verán, xornadas para empresas e actividades de sensibilización sobre o medio mariño e o cambio climático. A nova infraestrutura permitirá reforzar tamén programas de carácter social e inclusivo, como as actividades dirixidas a escolares e a colectivos en situación de vulnerabilidade.

Obxectivos da EDLP do GALP á que responde
Obxectivo estratéxico da EDLP: 

OBXECTIVO ESTRATÉXICO 2. Fomento da economía azul nas zonas pesqueiras e acuícolas mediante o apoio á diversificación dentro e fora do sector da pesca comercial, o aprendizaxe permanente e a creación de emprego nas zonas pesqueiras e acuícolas. 

Obxectivo específico da EDLP: 

OBXECTIVO ESPECÍFICO 2.1. Reducir o impacto das actividades relacionadas co mar e promover iniciativas de economía circular, economía azul, benestar social e seguridade litoral. 

Principios horizontais
Desenvolvemento sostible: Medioambiente e cambio climático: 
Si
Non
Promoción da igualdade e non discriminación
Igualdade de xénero: 
Si
Non
Discriminación: 
Si
Non
Favorecer a inclusión social: 
Si
Non
Contribución aos retos dos GALP cara o 2020: 
Si
Non
Contribución: 
Política pesqueira común
Crecemento azul
Cambio climático e transición enerxética a unha economía de baixas emisións de carbono
Creación de emprego e integración social (mulleres, mozos/as e inclusión social)