O proxecto consiste na adquisición da maquinaria necesaria para introducir no mercado embarcacións de traballo e recreo, que ao acabar a súa vida útil, poidan ser tratadas (cun coste enerxético e económico sostido) e recicladas como material para a construcción de novas embarcacións. 

Este proxecto nace como solución a unha problemática actual, económica e ambiental, xerada polas embarcacións con casco de PRFV (poliéster reforzado con fibra de vidro). Como contraposición o proxecto propón a construcción de embarcacións con HDPE (polietileno de alta densidade), que acabada a vida útil, convértese nun produto facilmente reciclable mediante procedementos enteiramente mecánicos, polo que o seu procesado ten un coste enerxético e material contido.