Este proxecto presenta un conxunto de actuacións integradas no litoral do GALP Golfo Ártabro Sur coa finalidade de promover a conservación ambiental, a valorización do medio mariño e a concienciación social. A través de seis actividades distribuídas en tres áreas de intervención —avaliación do medio, conservación e divulgación—, o proxecto procura investigar, restaurar e difundir os valores ecolóxicos e pesqueiros da zona. As actuacións inclúen a detección e mapeo de especies exóticas invasoras de flora, a retirada manual destas especies e de residuos, así como actividades formativas e experienciales, como faladoiros, saídas de campo e navegación a vela, que fomentan o coñecemento directo e o compromiso coa protección do medio mariño.

Con este enfoque integral, o proxecto aposta pola participación cidadá e a educación ambiental como eixos fundamentais para fomentar a sustentabilidade do litoral, a recuperación da biodiversidade e a promoción dun turismo náutico sostible e respectuoso co medio. Ademais, contribúe á valorización dos recursos pesqueiros locais e á sensibilización sobre o impacto do cambio climático e a importancia do consumo responsable, aliñándose cos Obxectivos de Desenvolvemento Sostible, especialmente o ODS 14, Vida Submariña.