Sorry, you need to enable JavaScript to visit this website.

Miño emprende no mar: Artesanía alimentaria e transformación do produto pesqueiro

O Concello de Miño promove un proxecto pioneiro centrado na valorización dos recursos pesqueiros locais, mediante a formación, a transformación artesanal e a divulgación. A iniciativa busca xerar novas oportunidades de emprego e emprendemento para persoas traballadoras do mar e do sector primario, poñendo en valor a riqueza do produto pesqueiro da zona e fomentando o seu uso en combinación co produto da terra.
O programa está dirixido a profesionais do sector da pesca e o marisqueo, persoas produtoras pesqueiras interesadas en abrir novas liñas de negocio, así como traballadores/as do agro que desexen incorporar produtos do mar ás súas elaboracións.
Programa de formación e capacitación para o emprego e emprendemento. Inclúe formación práctica e obradoiros especializados para adquirir coñecementos sobre a transformación do produto pesqueiro, destacando:
• Elaboracións artesanais en conserva con produto mariño e da Reserva da Biosfera Mariñas Coruñesas e Terras do Mandeo.
• Preparacións en fresco de produto do mar combinado con produtos da horta.
• Novas propostas gastronómicas e de transformación, fomentando a innovación e o aproveitamento integral dos recursos.
• Módulo práctico de prototipado para a comercialización, que inclúe deseño de envases, soportes, imaxe de marca e etiquetaxe.
Actividades complementarias
• Visitas guiadas e actividades mariñeiras e rurais, con especial atención ao papel das mulleres no marisqueo e á sensibilización sobre os aspectos ambientais do medio mariño.
• Programa de fomento cooperativo, que promove redes de colaboración entre produtores do mar e do agro para potenciar a economía local sostible.
• Xornadas Gastro-Miño, como espazo de mostra e degustación de produto transformado, con maridaxe de viños IXP Betanzos, dirixidas ao público xeral e ao sector hostaleiro.
Este proxecto responde a un interese colectivo, ao promover o desenvolvemento sostible, o consumo responsable e o coidado dos recursos naturais. Supón un beneficio colectivo directo para a economía local, en especial para os profesionais da pesca costeira artesanal, favorecendo a diversificación da súa actividade, a profesionalización do sector, a xeración de emprego e o relevo xeracional.
A iniciativa senta as bases para unha nova liña de valorización do produto do mar no Concello de Miño, integrando gastronomía, formación, emprendemento e conservación ambiental.
 
Datos xerais
Acrónimo: 
-
Tipo de proxecto: 
Produtivo
Non produtivo
Tipo de proxecto: 
Individual
Conxunto
Cooperación
Datos do promotor
Nome e apelidos / Razón social: 
Concello de Miño
Datos de interese: 
-
Perfil empresarial: 
Administración local
Datos do proxecto
Referencia normativa: 
Orde do 21 de febreiro 2025 FEMPA
Convocatoria - ano: 
2025
Data de aprobación: 
30/07/2025
Prazo de execución
Prazo total (meses): 
17
Anualidades: 
2
Data fin de execución: 
31/10/2026
Ámbito de aplicación: 

Miño

Información económica inicial do proxecto
Coste total do proxecto (subvencionable + non subvencionable): 
18.029€
Coste subvencionable do proyecto (inversión pública + inversión privada): 
18029€
Total axuda pública aprobada (€): 
14423,20€
% Subvención: 
80
Reparto de axuda pública aprobada
FEMP (€): 
10096,24€
FEMP (%): 
70
CA (€): 
4326,96€
CA (%): 
30
Indicadores
Sexo promotor: 
Muller
Home
Idade promotor: 
< 40 anos
> 40 anos
Negocio de nova creación: 
Sí
Non
Diversificación da actividade pesqueira: 
Si
Non
Emprego creado (ETC): 
Si
Non
Nº emprego creado (ETC): 
-
Emprego mantido (ETC): 
Si
Non
Nº emprego mantido (ETC): 
-
Actividades de formación: número de mulleres que participaron: 
-
Estratexia de desenvolvemento local participativa, obxectivos e prioridades dos proxectos
Principais obxectivos do proxecto: 
• Reaxir ante a situación de crise do sector pesqueiro, reforzando a actividade produtiva e promovendo o aproveitamento sostible dos recursos mariños.
• Atallar a redución do consumo de peixe e marisco, a través de accións de divulgación sobre a actividade pesqueira, os recursos do mar e a importancia do sector para o territorio.
• Incentivar a comercialización dos produtos do mar mediante a súa transformación, apostando por elaboracións artesanais, conservas e novos formatos como os produtos de II gama (transformados) e V gama (listos para o consumo).
• Mellorar a información e sensibilización sobre o valor do consumo de peixe fresco, destacando as súas propiedades saudables, a súa proximidade e a conexión co sector agrario e o territorio.
• Facer máis atractivo o consumo destes produtos entre a poboación máis nova, promovendo elaboracións innovadoras, creativas e adaptadas aos seus hábitos alimentarios.
• Poñer en valor o territorio marítimo-costeiro, desde unha perspectiva ambiental, cultural e patrimonial, como base para un desenvolvemento sostible.
• Promover modelos de economía circular, fomentando a redución do desperdicio alimentario e o aproveitamento integral dos recursos.
• Favorecer o emprendemento e a creación de novas oportunidades laborais, a través da formación e capacitación no ámbito da transformación e comercialización do produto pesqueiro.
• Impulsar o desenvolvemento turístico ligado á gastronomía mariñeira, diversificando a oferta local e reforzando o vínculo entre o produto do mar e a identidade do territorio.
Resultados concretos previstos coa implementación do proxecto: 
• Mellora da capacitación profesional das persoas participantes no ámbito da transformación e valorización do produto pesqueiro, grazas á formación práctica e especializada.
• Incorporación de novas liñas de negocio baseadas en conservas, preparados e transformación artesanal de produtos do mar, impulsando o emprendemento no sector.
• Aumento da visibilidade e recoñecemento social do sector pesqueiro e marisqueiro, especialmente da pesca costeira artesanal e do papel das mulleres no mar.
• Sensibilización da cidadanía sobre a importancia do consumo responsable de peixe e marisco local, saudable e de tempada.
• Diversificación da oferta gastronómica local, combinando produto pesqueiro e agrario da contorna, favorecendo sinerxías entre sectores produtivos.
• Fomento do consumo de peixe e marisco entre a poboación máis nova, mediante propostas culinarias adaptadas aos seus gustos e hábitos.
• Dinamización do territorio a través do turismo mariñeiro e gastronómico, contribuíndo á desestacionalización e á xeración de actividade económica local.
• Promoción de prácticas sostibles e de economía circular, reducindo o desperdicio alimentario e valorizando subprodutos do mar.
• Fortalecemento da identidade territorial e comunitaria, poñendo en valor o patrimonio natural, cultural e produtivo vinculado ao mar.
• Beneficio colectivo para o sector pesqueiro artesanal, mediante accións que contribúan á súa valorización e continuidade.
Principais actividades do proxecto: 
Actividades de coordinación, dinamización e comunicación:
• Programación e organización operativa das actividades formativas e divulgativas.
• Coordinación dos espazos, recursos e axentes implicados no desenvolvemento do proxecto.
• Deseño da identidade corporativa e creación do naming do proxecto.
• Edición e elaboración de soportes de comunicación e materiais gráficos informativos.
• Creación de contidos e xestión da difusión a través de medios de comunicación e redes sociais.
Programa de formación e capacitación para o emprego e o emprendemento:
• Obradoiro 1: Elaboracións artesanais en conserva con produto pesqueiro e produtos da Reserva da Biosfera Mariñas Coruñesas e Terras do Mandeo.
• Obradoiro 2: Elaboracións en fresco con produto do mar e da horta local.
• Obradoiro 3: Investigación e desenvolvemento de novas propostas de transformación e consumo.
Visitas guiadas e actividades mariñeiras e do campo:
• Actividades interpretativas en espazos do litoral e do medio agrario, con especial atención ao papel das mulleres no marisqueo.
• Programa de visitas ás confrarías de pescadores e espazos naturais da Reserva da Biosfera.
Programa de fomento cooperativo:
• Actividades destinadas a crear redes de colaboración entre produtores do mar e da terra para a valorización conxunta dos seus produtos.
Xornadas GastroMiño:
• Evento final de degustación e mostra dos produtos elaborados durante o proxecto, maridando peixe, marisco e produtos da horta con viños da IXP Betanzos.
Obxectivos da EDLP do GALP á que responde
Obxectivo estratéxico da EDLP: 

Obxectivo 1. Aumento do valor, creación de emprego, valorización e fomento da participación das mulleres, atracción de persoas mozas e promoción da innovación en todas as fases da cadea de produción e subministro dos produtos da pesca e a acuicultura, e a mellora da imaxe destes produtos e a actividade produtiva a nivel local para a súa incorporación á cultura alimentaria do territorio.

Obxectivo específico da EDLP: 

1.1. Dotar ao sector pesqueiro de recursos e ferramentas que lle dean máis competitividade e valor ao produto e as profesións relacionadas co mar

Principios horizontais
Desenvolvemento sostible: Medioambiente e cambio climático: 
Si
Non
Promoción da igualdade e non discriminación
Igualdade de xénero: 
Si
Non
Discriminación: 
Si
Non
Favorecer a inclusión social: 
Si
Non
Contribución aos retos dos GALP cara o 2020: 
Si
Non
Contribución: 
Política pesqueira común
Crecemento azul
Cambio climático e transición enerxética a unha economía de baixas emisións de carbono
Creación de emprego e integración social (mulleres, mozos/as e inclusión social)