O proxecto “Gobernanza de infraestrutura pesqueira e conectividade territorial” ten
como obxectivo reforzar a capacidade organizativa e estratéxica da Confraría de
Pescadores de Sada, promovendo unha xestión máis moderna, participativa e
sostible, ao tempo que se pon en valor a identidade histórica e cultural do municipio
vinculada ao mar. A iniciativa inclúe a instalación dunha sala de videoconferencias
que mellore a coordinación, a participación en foros e a formación en liña, a
elaboración dun informe integral de gobernanza que analice a evolución social,
económica e ambiental do sector, e a publicación dun libreto sobre a historia de Sada
desde 1920, destacando a emigración, a transformación económica, o
desenvolvemento do sector pesqueiro e o papel da muller.
O proxecto busca mellorar a gobernanza interna, a planificación estratéxica, a
profesionalización e o relevo xeracional do sector, identificar oportunidades de
diversificación e innovación, e reforzar a sustentabilidade ambiental e enerxética. Ao
mesmo tempo, contribúe á consolidación da identidade e patrimonio marítimo local,
fortalecendo a Confraría como axente estratéxico para o desenvolvemento
económico, social e cultural de Sada.