GALERNA DA LANZADA

Principais obxectivos do proxecto:

Promover a diversificación económica do sector pesqueiro a través do turismo, xerando novas oportunidades de negocio vinculadas ao patrimonio marítimo.
Crear emprego local, garantindo a continuidade do posto de promotor e xerando un novo posto para unha muller.
Mostrar a cultura marítima e pesqueira local a través dunha exposición interactiva que destaque as tradicións pesqueiras e o uso de embarcacións tradicionais.
Apostar pola sustentabilidade mediante o emprego dun sistema construtivo de alta eficiencia enerxética (Passivhaus), enerxías renovables (fotovoltaica) e recollida de auga de choiva.
Promover a economía azul e o consumo de produtos do mar a través da venda de produtos locais.
Consolidar Sanxenxo como destino de turismo marítimo, ofrecendo experiencias inmersivas con visitas guiadas a lonxas, rutas de pesca e degustacións gastronómicas.
Incorporar a dixitalización e a innovación, permitindo o acceso permanente á información da exposición.

Resultados concretos previstos coa implementación do proxecto:

Servir como punto de referencia e lugar de encontro para turistas e visitantes da nosa costa, utilizando esta localización privilexiada como punto central. Esta zona está fortemente ligada ao sector pesqueiro, e conseguirase non só mostrando as técnicas e embarcacións de pesca tradicionais, así como o patrimonio cultural inmaterial da zona relacionado coa pesca, senón tamén fomentando o consumo de produtos locais.
Impulsar as actividades turísticas aproveitando os recursos tecnolóxicos (páxina web, redes sociais, etc.) para promover a zona como un destino turístico responsable e durante todo o ano, destacando as actividades gastronómicas e culturais, as visitas a vilas pesqueiras e lonxas, e moito máis.
Sensibilizar sobre a sustentabilidade, o cambio climático e a eficiencia enerxética mediante o uso do sistema construtivo Waluminium, certificado baixo o estándar Passivhaus, que garante unha alta eficiencia enerxética e un impacto ambiental reducido.
Promocionar o valor dos produtos típicos da ría a través da tenda do complexo.
Crear un posto de traballo.

Principais actividades do proxecto:

Promoción e posta en valor da cultura marítima e pesqueira da zona a través dun espazo de exposicións que mostra embarcacións e técnicas de pesca tradicionais.
Visitas guiadas á ría para observar o traballo dos mariscadores, dende o cultivo do marisco ata a súa recolección.
Excursións guiadas en barco á Illa de Tambo.
Visitas guiadas aos arquipélagos das Illas Cíes e Ons.
Visitas guiadas a diversas vilas costeiras con tradicións pesqueiras e marítimas para demostrar as técnicas de pesca tradicionais.
Excursións guiadas en barco ás bateas de mexillón para observar e explicar o proceso de cultivo e recolección do mexillón, seguidas dunha degustación.
Visitas guiadas ás lonxas locais para aprender como se poxan os mariscos e o peixe.
Venda ao por menor de produtos típicos da ría na tenda do complexo.

Formulario de busca