O proxecto consiste no desenvolvemento dunha páxina web específica de “Mariñeiros por un día: O mar nun clic” que facilitará a calquera escolar o seguimento en directo as visitas guiadas á lonxa de Celeiro, ao heliporto e ao “Taller do pescador”, e interactuar cos profesionais do sector que interveñen ao longo do percorrido. Na web os profesionais da educación e os escolares disporán ademais de unidades didácticas e contidos en formatos audiovisuais sobre a pesca en xeral, o peso deste sector en Galicia e máis detalladamente o desenvolvemento desta actividade na Mariña- Ortegal: tipos de pesca, artes, produtos pesqueiros, etc. Esta información estará acompañada doutros recursos para situar á Mariña -Ortegal no mapa dende o punto de vista xeográfico, histórico e cultural. As visitas guiadas realizaranse na zona das instalacións portuarias de Celeiro: visita guiada pola lonxa pesqueira e proxección de vídeo de faenas de pesca. Visita ao heliporto de Salvamento Marítimo. Taller do pescador, nunha sala habilitada nas instalacións da Confraría de Pescadores, no que se fará un repaso polas artes e aparellos empregadas na Mariña. Módulos específicos: “Coida o mar, coida a vida”, “O mar tamén é das mulleres”. Degustación de produtos do mar nun restaurante da zona. Unha vez finalizada a visita os escolares disporán na web de recursos para expoñer as súas impresións sobre esta experiencia e reforzar os coñecementos adquiridos.