O proxecto, que se localiza en Pantín (Valdoviño) preto da coñecida praia polas súas condicións inmellorables para a práctica do surf, consiste na adquisición de equipamentos para diversificar a actividade da empresa de servicios náuticos, cunha nova liña de negocio de servizos de aluguer de material, e escola de surf. Os equipamentos son principalmente táboas de iniciación ó surf e traxes de neopreno. Prevese a adquisición dun vehículo e carro para o transporte do material, a adaptación dos vestiarios no interior de instalacións móbiles, a adaptación e mellora do impacto visual de tres módulos prefabricados para a almacenaxe de material e a mellora dunha zona para almacenamento de todo o material en terreos propiedade do promotor, (mellora do acceso para os vehículos, instalación de estanterías e acondicionamento do terreo para a instalación dos módulos).