Sorry, you need to enable JavaScript to visit this website.

Buño acolle a xornada de avaliación da Estratexia de Desenvolvemento Local Participativo do GALP Costa da Morte

Programa Xornada Avalicación EDLP do GALP Costa da Morte

 

Buño acolle a xornada de avaliación da Estratexia de Desenvolvemento Local Participativo do GALP Costa da Morte

 

  • A cita, aberta a persoas promotoras de ideas empresariais e cidadáns, celébrase o xoves, 22 de decembro, ás 17 horas
  • A estratexia promove proxectos que xeren novos postos de traballo e fortalezan o sector pesqueiro na zona

 

Malpica de Bergantiños (A Coruña) 20, de decembro de 2022. As instalacións do GALP Costa da Morte, ubicadas no Centro Comarcal de Bergantiños, en Buño, van acoller o xoves, 22 de decembro, ás 17 horas, a xornada de avaliación final da Estratexia de Desenvolvemento Local Participativo (EDLP).

O evento, dirixido a persoas promotoras de ideas empresariais e aberto tamén a todo o público, forma parte do proceso participativo posto en marcha polo GALP Costa da Morte. A xornada contará coa presenza do Presidente do GALP, Evaristo Lareo, e do seu Xerente, Guillermo González.

As persoas que asistan a esta xornada van poder coñecer cal foi a metodoloxía da avaliación da estratexia e tamén unha análise dos resultados obtidos.

Dinamizar os concellos da Costa da Morte

A posta en marcha da Estratexia de Desenvolvemento Local Participativo (EDLP) ten como obxectivo dinamizar a zona da Costa da Morte mediante a creación de novos postos de traballo e a diversificación da economía local; entre outros aspectos, a través do fortalecemento do sector pesqueiro. Trátase da folla de ruta dirixida a promover un maior desenvolvemento económico e mellores condición para os habitantes da zona.

O grupo de acción local do sector pesqueiro (GALP) Costa da Morte elaborou esta estratexia para o período de programación do Fondo Europeo Marítimo y de Pesca (FEMP) 2014-2020.

A estratexia, que foi aprobada pola Consellería do Mar, vai ser avaliada por un equipo externo; o obxectivo é medir o grao de execución da estratexia, os resultados e propoñer accións de mellora.