1- O Restaurante Mar de Laxe reunirá as características propias do concepto mariñeiro, incluíndo menús históricos recuperados fielmente de receitas antigas, mantendo un compromiso coa produción diaria do porto local.

Ese concepto mariñeiro reforzarase en todos os aspectos: na decoración do establecemento, na vestimenta do persoal ou mesmo na introdución de actuacións de música mariñeira como parte do menú das fines de semana.

2.- Situado a escasos metros do porto e da lonxa da localidade, realizaranse diversas visitas guiadas cos clientes a ambas instalacións co propósito de que coñezan de preto e de primeira man a orixe, compra e traslado da materia prima ata os fogóns onde se cociña para eles/as. Deste xeito, os clientes converteranse en testemuñas directas dun proceso que habitualmente non teñen a ocasión de presenciar ademais de vivir unha experiencia novidosa, divertida e diferente. Do que se trata é de crear oportunidades que axuden a diversificar a actividade do sector pesqueiro e marisqueiro, promovendo, por exemplo, que os clientes teñan a oportunidade de vivir a experiencia do mar ou de participar en obradoiros que abranguen dende a limpeza do peixe ata a experiencias de alta cociña.

3.- Espazo libre de barreiras arquitectónicas, inclusivo e integrador coas persoas con diversidade funcional . Un lugar onde todos e todas teñan cabida en igualdade e condicións.

Os accesos e percorridos interiores e exteriores serán accesibles, aseos e mobiliario adaptados, carta-menú en braille, acústica axeitada, simboloxía externa e interna accesible e persoal con formación específica na atención a clientes con capacidades (e necesidades) diferentes.