-Proxecto arquitectónico executivo Determina a configuración definitiva do museo e a resolución dos distintos espazos, atendendo a criterios de funcionalidade, respecto aos valores do edificio e versatilidade das instalacións. Coa ampliación do mesmo permitirase a diversificación e profesionalización da oferta de actividades do museo.

-Integración do edificio coa muralla medieval de valor patrimonial histórico e dinamización a rúa coa propia planta baixa do museo plantexada como unha praza aberta ao viandante con claras similitudes ao plantexamento dunha antiga praza de abastos.

-Actividades. O maior espazo museístico permitirá deseñar unha nova oferta de actividades como visitas guiadas polo museo, charlas, eventos ou novos espazos expositivos que dean visibilidade a todo o volume de pezas de valor etnográfico, histórico e cultural mariñeiro. O proxecto contempla unha nova sala para a exposición permanente de maquetas de motores a pequena escala de funcionamento a partir de aire comprimido.

-Novas tecnoloxías. Inclúe soportes dixitais expositivos de carácter divulgativo, equipamento multimedia par as salas de exposición, elementos de mobiliario e equipacións diversas, así como unha web para a súa promoción en internet.

-Modelo de coxestión. O museo será xestionado como ata a data pola asociación do Museo do Mar, se ben se contempla a posibilidade de contratar no futuro a persoal se a demanda do museo así o require. A asociación ven xestionando de xeito voluntario o museo dende hai 13 anos e está conformada por máis de 200 profesionais voluntarios (dende capitanas, mariscadoras, biólogas, xeólogos, escritores......). O 25% deles está en activo e unah gran parte está formada por mulleres (faise compricado estableces a porcentaxe posto que o volume a rede de voluntarios é moi grande e cambiante).