Mellora das instalacións e integración de servizos para un turismo mariñeiro de calidade: accesibilidade, desestacionalización e ascenso de categoría hoteleira.

O proxecto consiste por unha parte, na mellora da calidade e salto de categoría nun negocio existente como Pensión 2* a hotel 1* para o que haberá que facer unha reforma interior do establecemento, e por outro, a creación dun novo emprendemento que reforce o aloxamento, poñendo en marcha unha Axencia de destino) que integre servizos turísticos, centrada na temática mariñeira e no Camiño de Santiago para grupos, co obxecto de desestacionalizar o turismo e produza sinerxias con outros axentes locais para mellorar o turismo mariñeiro, e que os potenciais clientes poidan planificar dende a orixe a súa experiencia na zona costeira de Miño.

A idea central desta axencia de destino online minorista-maiorista, é que os visitantes potenciais do Golfo Ártabro poidan planificar en orixe o seu tempo de lecer entre unha variedade de temáticas vinculadas ao turismo mariñeiro: o aluguer de material para a práctica de deportes acuáticos, rutas planificadas en kaiak, cursos de padel surf, visitas aos campos marisqueiros, catas de viño Branco Lexítimo de Paderne, aluguer de bicicletas para roteiros pola costa, cursos de mergullo, rutas marítimas en veleiro, comidas especiais con produtos do mar locais, e facilitar ao visitante a súa estadía no Concello de Miño.