Con este proxecto o Concello de Paderne pon en valor os produtos da ría de Betanzos, especialmente a ostra xaponesa ou ostra do pacífico, especie de molusco bivalvo cunha alta densidade na ría de Ares-Betanzos que ten unha tasa de crecemento e proliferación mo rápida. 

Co obxectivo de contribuír a súa comercialización o Concello de Paderne organiza dous obradoiros coa colaboración da Confraría de Pescadores de Miño no que, por un lado, persoal da Confraría, presentará este produto na Feira Gastro lexítimo de Paderne aos asistentes, así como un show-cooking con produto local e desgustación, facendo fincapé en como poder consumir este tipo de ostra, neste caso como empanada. Por outra banda, celebrarase outro das mesmas características no local social de Quintas onde o Concello de Paderne conta cunha pequena cociña dirixido aos veciños e veciñas de Paderne, restauradores locais e público interesado.