O proxecto vai consistir na dotación de elementos imprescindibles para levar a cabo as accións previstas de promoción, difusión e formación en produtos do sector marítimo-pesqueiro e en técnicas de preparación e conservación dos mesmos.

Ademais, realizaranse xornadas formativas para a hostalería coas seguintes temáticas:

• Posta en valor de mariscos das nosas Rías pouco coñecidos, como: Ameixón, Moelo, Peneira, Berbiricho Rabioso…
• Escabeches e mariñados. Distintos escabeches para distintas especies das nosas rías.
• As ostras. Diferencias entre unhas e outras, por variedade (planas e rizadas) e por zonas de extracción e cultivo. Ostra de Tambo.
• Diferencias entre as ameixas das nosas rías. Babosa, Rubia, Fina, Japónica, Cornicha, Coquina…. Como diferencialas, propiedades e virtudes de cada unha delas.
• O despece dun Túnido. Como facer o ronqueo dun atún, separar as distintas partes e para que utilizar cada unha delas.
• Diferenciar e como cociñar especies que nos levan normalmente á confusión. (Navalla e Longueirón; Zamburiña e Volandeira …)
• Métodos de Cocción para o polbo. A cociña ao vacío.
• Posta en valor de peixes das nosas rías pouco valorados ou esquecidos (os descartes) como: Zacapa, serranos…
• Limpeza ou cociñado dun dos nosos míticos. A Lamprea.
• Os afumados. En frío e en quente. De peixes e mariscos