A pesca de anguía con voitirón se realiza no fondo da ría de Vigo, na Enseada de San Simón, concretamente cara á terra dunha liña imaxinaria comprendida entre o peirao de Santa Cristina e a Illa de San Simón. Tratase dunha actividade que se realiza seguindo unhas especificacións moi estritas en canto a embarcacións participantes, número de nasas por embarcación, xornadas semanais, época de capturas, control e seguimento da actividade pesqueira .Unha vez capturada esta especie é trasladada ata a lonxa de Arcade, en concreto ata unha sala que conta con 5 piscinas; onde permanece estabulada ata que chegan os compradores, o que pode representar varias xornadas. Durante o tempo que permanece estabulada nas piscinas, se deben cumprir cunhas condicións físico químicas óptimas (temperatura, PH, amoníaco, nitritos, oxixeno disolto…). Como o plan de xestión abarca dende os meses de febreiro a outubro, un dos principais problemas aos que se enfronta o colectivo é ao mantemento das anguías nas piscinas no verán, debido á temperatura que alcanza a auga que podería acadar rexistros que supoñan unha temperatura crítica para a anguía e provocar mortalidades elevadas. De xeito que para poder manter a temperatura en valores estables, é necesario contar con sistemas que permitan regular a mesma, o que se consigue a través deste proxecto coa instalación nas piscinas dun equipo: evaporador, cadro de maniobra, presostato…. que permite crear un circuíto pechado de auga coa temperatura desexada en cada momento. O proxecto consta de dúas tarefas: instalación do equipamento e xornada formativa. A instalación do equipamento corresponde á empresa G&J Vázquez, e trala mesma terá lugar unha xornada formativa na que a persoa responsable de implantación no colectivo de anguieiros explicará os novos métodos de traballo con este novo equipo, e a súa relevancia para o proceso de comercialización. Ademais de pescadores de xénero masculino, na xornada participarán ao menos 4 pescadoras artesanais de anguía. Este equipamento permite acadar os obxectivos específicos do proxecto: OE1. Mantemento da temperatura óptima nas piscinas; OE2. Diminución do tempo de traballo dos pescadores e OE3. Mellora das condicións de vida dos pescadores e conciliación coa vida familiar); e con eles o obxectivo xeral OX. Mellorar o proceso de comercialización da anguía.