Este proxecto enmárcase nunha liña de traballo trazada pola CEMMA dende 1990 mediante a implantación da Rede de Varamentos de Galicia-RV e mellorada no ano 1997 a través da rehabilitación de fauna

Para a mellora do funcionamento da RV é necesario contar con medios e información. Esta pan-estrutura está xestionada dende o ano 1990 pola CEMMA, a través das autorizacións específicas da Xunta de Galicia. Entre as moitas entidades que dun xeito difuso contribúen a colaborar doa RV cóntase coas confrarías de pescadores e os concellos, pois en moitas ocasións cando algún mariñeiro detecta un exemplar de fauna mariña ameazada con problemas, comunica a alerta a través da propia confraría. É por iso que as confrarías convertéronse co tempo nunha peza máis do proceso de conservación das especies. Os concellos, pola contra, teñen a responsabilidade da retirada dos restos das praias a través da xestión de residuos. Coordinarse ben con estas entidades é garantía de éxito na recolección da datos e mostras biolóxicas.

As accións que se van realizar son :

Acción 1: elaboración de protocolos de varamento.

Acción 2: revisión da estrutura das bases de datos Revisión e recompilación da documentación de rexistro de varamentos dende 1990, dixitalización a información e revisión de bases de datos e agrupación en mapas GIS.

Acción 3: mellora de medios da RV Creación de carriños polivalentes de Rescate en area anfibios especializados, sendo os primeiros en Galicia, caixón de cestería para lobos mariños e padiolas para o transporte en praia de animais mariños. Articulación dunha rede de puntos con caixas de material de campo para facilitar a rápida actuación da RV.

Acción 4: deseño, edición e distribución de materiais divulgativos. 

Acción 5: vídeo explicativo da metodoloxía da recollida de datos.