Cartografía do mar: patrimonio, produto local e pesca artesanal da Costa da Morte

Principais obxectivos do proxecto:

Incrementar a valorización dos produtos da pesca costeira artesanal da Costa da Morte, destacando a súa calidade, diversidade e estacionalidade.
Fomentar o consumo saudable e responsable dos produtos pesqueiros locais, especialmente entre as novas xeracións, mediante accións educativas e divulgativas.
Poñer en valor o patrimonio mariñeiro e os oficios do mar, así como a cadea de valor da pesca artesanal, mediante recursos dixitais, visitas guiadas e accións de divulgación.
Contribuír ao fortalecemento do sector pesqueiro artesanal e á dinamización socioeconómica do territorio, reforzando a identidade mariñeira da Costa da Morte.

Resultados concretos previstos coa implementación do proxecto:

Incrementar o coñecemento, visibilidade e valorización dos produtos locais da pesca costeira artesanal da Costa da Morte, favorecendo o seu recoñecemento e consumo responsable.
Mellorar a percepción social sobre a calidade, o valor nutricional e os beneficios do consumo de peixe e marisco de proximidade.
Recuperar e difundir o patrimonio e a cultura mariñeira do territorio, poñendo en valor os recursos pesqueiros e os oficios do mar.
Achegar a cultura pesqueira ás novas xeracións, especialmente mediante recursos educativos dixitais, a súa implementación nos centros educativos e a realización de visitas guiadas.
Reforzar a colaboración entre os axentes locais —centros educativos, lonxas, mercados e peixerías—, potenciando o seu papel na promoción e prescrición do produto mariñeiro local.
Contribuír á dinamización e valorización do sector pesqueiro artesanal, fortalecendo a identidade mariñeira e o vínculo da poboación co territorio.

Principais actividades do proxecto:

Creación da identidade gráfica do proxecto e dos materiais de divulgación e promoción.
Coordinación e traballo en rede cos centros educativos, lonxas, mercados e peixerías do territorio.
Elaboración e implementación dunha unidade didáctica dixital sobre os recursos pesqueiros locais, a pesca sostible e o consumo responsable nos centros educativos da Costa da Morte.
Recuperación e difusión das cartas náuticas históricas como elemento do patrimonio mariñeiro do territorio.
Desenvolvemento de campañas de promoción do consumo do produto mariñeiro local, mediante materiais audiovisuais, gráficos e dixitais sobre especies, estacionalidade, usos culinarios e valor nutricional.
Organización de visitas guiadas a lonxas, mercados e espazos vinculados aos oficios do mar, co obxectivo de achegar á cidadanía a realidade da pesca artesanal e a cadea de valor dos produtos pesqueiros.
Accións de comunicación e difusión a través de notas de prensa, redes sociais, materiais gráficos e contidos web para incrementar a visibilidade e o impacto do proxecto.

Formulario de busca