O proxecto “Vidas Sen Marco”, desenvolvido pola Asociación A Creba en Noia, ten como finalidade favorecer a inclusión social e a participación comunitaria das persoas con trastorno mental grave, combatendo o estigma, o illamento e os prexuízos que dificultan a súa integración.
O proxecto articúlase en dúas accións principais: un taller de enmarcado e unha tenda de produtos artesanais:
1. Taller de Enmarcado: No taller de enmarcado, as persoas usuarias, co acompañamento dunha monitora, participan de forma regular no proceso completo de enmarcado e na xestión do propio espazo, adaptando as tarefas ás capacidades de cada participante. Tamén se realizan actividades complementarias, como a elaboración de caixas decorativas e libretas, orientadas ao desenvolvemento de habilidades e hábitos laborais.
2. Tenda: A tenda permite comercializar produtos elaborados nos diferentes obradoiros da entidade, como coiro, costura ou bordado, poñendo en valor o traballo realizado polas persoas usuarias e creando un espazo de relación e apertura á comunidade.
Non
Crecemento azul
Cambio climático e transición enerxética a unha economía de baixas emisións de carbono
Creación de emprego e integración social (mulleres, mozos/as e inclusión social)