As principais actividades estarán orientadas á promoción e mellora da comercialización dos produtos pesqueiros da Confraría de Porto do Son, utilizando as súas cualidades gastronómicas como elemento central.Desenvolveranse presentacións e degustacións de produtos dirixidas a empresas do sector e superficies comerciais, así como showcookings e demostracións gastronómicas para profesionais da restauración. Para o canal HORECA realizaranse talleres de formación sobre os produtos pesqueiros locais, as súas características e valores nutricionais, fomentando o consumo de produto de proximidade.Tamén se organizarán actividades divulgativas para a poboación infantil e para turistas, destinadas a promover o coñecemento, consumo e valorización dos recursos pesqueiros locais. Ademais, o Espazo da Pesca funcionará como foro de encontro, reflexión e intercambio de coñecementos entre profesionais do sector. En definitiva actividades que axuden a incrementar a visibilidade e comercialización dos produtos da Confraría, xerando beneficios directos para os seus socios e contribuíndo á dinamización económica local.