#QuedaCoNosoMar
Falamos con Julia Haz, Presidenta da Agrupación de Mariscadoras "Río Anllóns":
Igual que sucede noutras actividades, a crise provocado polo Covid-19 é complicada para o sector. Como afronta esta situación?
Desde que se decretou o estado de alarma non fomos a ría, cos restaurantes, tabernas, bares… pechados non hai demanda de marisco. O problema o que nos enfrontamos é que o marisco non é un produto de primeira necesidade. A quen vendemos???
No voso caso faise complicado cumprir coas normas de distanciamento e seguridade que esixe o estado de alarma.
No noso caso non é complicado manter a distancia de seguridade mariscando na ría, o problema está no traslado en lancha das mariscadoras, tanto para ir á zona de marisqueo, como para volver á terra e zona de pesaxe do berberecho.
Cal considera que é a importancia do sector do mar e, mais concretamente, da súa actividade, para a sociedade e a economía local?
Nestes pobos costeiros vívese do mar, de forma directa ou indirecta. No estuario do Anllóns somos 30 mulleres e homes traballando. Este sector está moi arraigado á zona, tanto social como economicamente.
Por que é importante o labor da xente do mar?
É importante para que poidamos ter unha dieta equilibrada.
Na Costa da Morte consúmese peixe e marisco, forma parte da nosa dieta Atlántica, é importante que o sigamos consumindo nestes tempos de confinamento, tanto para a nosa saúde coma para axudar o sector.