A Confraría de Pescadores de Barallobre impulsa un proxecto integral para mellorar a comercialización da ostra e a zamburiña mediante a modernización da súa peixería e a mellora da loxística de transporte e venda.
O proxecto inclúe a instalación de novo equipamento (acuario, básculas, conxeladores, mobiliario, envasadora ao baleiro, forno multifunción e pantallas informativas), a adquisición dun furgón GLP con etiqueta ECO para a recollida e distribución do produto e estudos de validación sanitaria para introducir produto envasado e conxelado con total garantía.
Tamén contempla a fabricación de mesas metálicas para o posado dos pochóns e a mellora da trazabilidade e presentación do produto, reforzando a identidade visual da confraría.
O obxectivo é mellorar as condicións de traballo, optimizar a cadea de valor, aumentar a rendibilidade para os socios e avanzar na comercialización de produtos do mar con valor engadido. Un proxecto con beneficio colectivo, orientado á sostibilidade, ao mantemento do emprego e á promoción do consumo local e do marisqueo artesanal.