Este venres, un grupo de 25 persoas usuarias da Asociación AMBAR participaron no programa de actividades medioambientais organizadas polo Galp 5 nos concellos da Arousa Norte. Desta volta, a visita foi á zona da desembocadura do río Ulla e á contorna das brañas que rodean as Torres do Oeste en Catoira.

A actividade centrouse no coñecemento e recoñecemento da flora e a fauna que se pode atopar ao longo de todo o percorrido, mediante unha dinámica baseada na didáctica sensorial.