O proxecto consiste na mellora da eficiencia enerxética da lancha da vixilancia da Confraría de Pescadores A Pastoriza de Vilanova de Arousa. Pretendese garantir unha explotación sostible e controlada, mellorando a vixilancia e control das zonas de explotación do ámbito territorial da Confraría, garantindo unha mellor coxestión dos recursos e hábitats costeiros de importancia para a produción dos organismos mariños dun modo responsable, equilibrado, sustentable e competitivo, que á súa vez permita mellorar as condicións de vida e traballo dos homes e mulleres do mar e garanta o seguimento da súa explotación. Esta tradúcese nun aumento a profesionalización do sector.

Este proxecto pretende axudar a unha xestión sostible da explotación dos recursos marisqueiros e dos hábitats costeiros dentro do ámbito territorial da confraría de Vilanova de Arousa, baseada fundamentalmente na vixilancia e salvagarda do medio mariño, tarefa encargada a realizar polo persoal de gardapesca da confraría que en colaboración con gardacostas se encargan de ditas tarefas entre outras. Como, por exemplo, no control dos mariscadores e mariscadoras das zonas que poden traballar e colaborar nun control rigoroso no acceso os recursos nas inmediacións das áreas de explotación.

Por outra banda, o persoal de gardapesca da confraría de Vilanova de Arousa acude aos areais de libre marisqueo xestionados polo plan de explotación dunha asociación onde acoden socios da confraría a vixiar, comprobar e garantir que o persoal mariscador traballa nas zonas e áreas permitidas e realizar o control dos produtos que se extraen.