mércores, 25 de Abril de 2018 - 01:04
O martes 24 de abril tivo lugar no Auditorio Valle Inclán da Pobra do Caramiñal a presentación do proxecto Mar das Illas, unha iniciativa na que colaboran os GALP de Vigo, Pontevedra e Ría de Arousa, que ten como obxectivo promover a actividade do turismo mariñeiro entre o colectivo entre as/os profesionais do mar e as súas familias dentro do territorio das Rías Baixas de Galicia. A xornada estaba especialmente orientada á promoción do ámbito do Parque Nacional Marítimo Terrestre das Illas Atlánticas a través da formación das persoas participantes como guías do Parque Nacional de forma que se lles ensine a amosar aos visitantes o patrimonio natural do Parque.