PROMOCIÓN DA GASTRONOMÍA DA RÍA NA RUTA MARIÑEIRA DE VILAXOAN A CARRIL

Principais obxectivos do proxecto:

Poñer en valor os produtos pesqueiros obtidos no mar máis próximo e que definen o espazo. Pero ademais se fará mercando os produtos na praza de abastos. E esa idea de cercanía esténdese tamén á horta do Salnés. Prensenza feminina: Procurarase que os profesionais da gastronomía que participan, as mulleres sexan non menos do 50%. A ruta cuxa gastronomía se pretende potenciar forma parte do Camiño Portugués a Santiago, pola Variante Espiritual do Salnés. Ademais do embelecemento físico do itinerario, con esta actuación de exaltación da gastronomía do lugar, se incrementará o atractivo da ruta e se acadará unha maior difusión da mesma. Situar a Vilagarcía como destino (turístico) gastronómico de calidade (bos profesionais e excelente calidade dos produtos). Maior rendibilidade dese sector produtivo e un reforzo da identidade territorial. Concienciar á poboación sobre necesidade de preservar o espazo, sobre un modo de vida tradicional, equilibrado na súa relación co entorno.

Resultados concretos previstos coa implementación do proxecto:

A posta en valor dos produtos do noso mar, do máis próximo, o da Ría.

A concienciación sobre a necesidade de preservar este espazo natural único

O mantemento da cultura tradicional a través desas receitas de sempre para a preparación dos produtos do mar de aquí.

O embelecemento do litoral, coa sinal e as 3 esculturas, que ademais é parte da Variante Espiritual do Salnés. A promoción conxunta, que lle da aínda máis valor ou atractivo, a eses dous recursos: a gastronomía e a Variante Espiritual.

O incremento da renda dos traballadores do mar como resultado de ensalzar e promocionar os produtos que obteñen.

Principais actividades do proxecto:

Os obradoiros COCIÑA DA RIA e HOXE COCIÑAMOS CUN CHEF DA VILA van dirixidos ao público en xeral. Os que pretendan participar achegaranse cada día á Praza de Abastos, ata completar o aforo. Ao obradoiro dirixido á hostelaría, poderán asistir aqueles profesionais que presten o seu servizo en establecementos en Vilagarcía. Con eses establecementos é cos que se pretende levar de novo a iniciativa da Ruta das Tapas, pero baseado nos produtos do mar de proximidade, os da ría. Haberá tamén 2 showcookings, un en Vilaxoán e outro en Carril, impartidos por cociñeiros moi coñecidos. Con esta inciativa, preténdese poñer en valor os produtos que identifican o lugar no que se realizan: en Carril, a ameixa e o berberecho e en Vilaxoán, o mexillón e sardiña. Pero ademais son unha forma de promocionar eses lugares. Por iso eses días haberá animación nas rúas e actividades complementarias. Eses showcookings poderán ser vistos por calquera que se queira acercar.

A sinal e as 3 esculturas van ser disfrutadas por todos. Poñerán aínda mais en valor ese tramo da Variante Espiritual do Salnés. Cabe sinalar que agora o traxecto que transcurre polo litoral de Vilagarcía, dende Vilaxoan ata Carril foi distinguido co galardón do Sendeiro Azul.

Formulario de busca

Formulario de busca

PROMOCIÓN DA GASTRONOMÍA DA RÍA NA RUTA MARIÑEIRA DE VILAXOAN A CARRIL