O proxecto pretende avaliar, mediante un estudio técnico, os posibles efectos ambientais que terían lugar coa retirada de parte dunha escollera que foi construída no ano 1926. A construción desta escollera foi vantaxosa no seu momento en termos de navegabilidade xa que permitía ás embarcacións da zona acadar a zona de ribeira situada, naqueles tempos, no que actualmente conforma o núcleo urbano da vila. Paralelamente, a construción desta escollera tamén implicou a modificación forzosa das condicións oceano-fluviais e da dinámica sedimentaria derivada delas, feito que trouxo consigo unha modificación importante do entorno natural, cuxos principais efectos son o incremento de zonas de „sombra e chairas lamosas, perda substancial de superficie osixenada e bancos de area, e degradación paulatina da praia de Cesantes e os seus bancos marisqueiros por retirada total dos aportes sedimentarios (area fluvial). Achéganse ortofotografías aéreas da zona dos anos 1956 e 2017 nas que se observa con claridade a diminución da cuberta de area e o avance da lama nas proximidades da escollera e en concreto nos bancos da Barra e da Portela. Ambos procesos son debidos á obstaculización que a escollera ocasiona sobre a oleaxe, correntes de marea e descargas fluviais, todos eles axentes oceanográficos que en combinación son os encargados da remobilización e distribución do sedimento. Tamén se pode observar Proxecto non produtivo o deterioro de toda a praia de Cesantes a as zonas de explotacion que se distribúen por ela, deterioro en parte producido por a desconexión sedimentaria que supuxo a implantación dunha escollera que corta o subministro sedimentario (area fluvial) que mantiña nutrida esta praia. Fronte a este problema de perda de area a Confraría levou a cabo proxectos de rexeneración de áridos (ver ortofotografía de 2017) na zona da Barra. Estas medidas de rexeneración, a pesares de requirir un grande esforzo (mobilización de recursos humanos, materiais e económicos) son ínfimas, comparando a totalidade da superficie do banco. ademais, a Confraría é consciente que este é un “parche” temporal que irá desaparecendo co tempo xa que de continuar presente un obstáculo oceanográfico como a da escollera do río Alvedosa, seguiran imperando os procesos de perda de superficie de bancos de area, procesos de acumulación de lama e desnutrición da praia de Cesantes. O resultado destes procesos é o progresivo enlamacemento da zona xeran unha diminución da produción dos bancos marisqueiros e dificultan a fixación larvaria. Proba deste baixo hidrodinamismo é a acumulación de algas de arribazón do xénero Ulva e Enteromorpha, que son habituais en zonas con baixas taxas de renovación, pouca oleaxe e “pechadas” ao mar. O desequilibrio creado xera perdas na producións da zona pesqueira, e a desaparición de sedimento nun lugar de ocio e lecer como é o areal de Cesantes. Con este proxecto se pretende realizar un completo estudo que permita, a parte de confirmar a interpretación sedimentaria arriba indicada, estudar e avanzar na definición da proposta de actuación, en concreto da avaliación dos posibles efectos ambientais dunha posible obra de retirada da escollera, facendo fincapé sobre todo na búsquena e cuantificación de posibles efectos adversos, e levar a cabo a redacción da documentación técnica necesaria para a súa correcta tramitación. No estudo que se propón se contemplan traballos de mostraxe en campo (en concreto mostraxe de sedimento, biota e toma de datos topográficos), traballos de análise de laboratorio (para analizar as mostras e caracterizalas dende un punto de vista sedimentolóxico, biolóxico e de presenza de contaminantes), traballos de gabinete (para documentarse, análise de datos e redacción de informes) e traballos de consulta pública e divulgación. Tratase dun estudo a executar nos vindeiros 5 meses. RELEVANCIA PARA A ZONA PESQUEIRA (explique por que o proxecto é importante para a zona de