O Latexo do Mar

Principais obxectivos do proxecto:

O obxectivo xeral do proxecto é impulsar unha iniciativa de turismo mariñeiro sostible que contribúa á diversificación económica e á creación de emprego local, así como á posta en valor do patrimonio e da identidade mariñeira do territorio e á sensibilización ambiental, reforzando o papel do sector pesqueiro artesanal. O proxecto pretende mellorar a calidade e seguridade das experiencias ofrecidas, favorecer o coñecemento e respecto polo medio mariño, xerar ingresos complementarios compatibles coa actividade extractiva, contribuír ao desenvolvemento da economía azul e favorecer a desestacionalización da actividade turística. Así mesmo, busca promover a transmisión interxeracional dos coñecementos e saberes tradicionais vinculados á actividade pesqueira e ao patrimonio mariñeiro.

Resultados concretos previstos coa implementación do proxecto:

A execución do proxecto permitirá consolidar unha oferta estable de turismo mariñeiro vinculada ao marisqueo a pé e á extracción tradicional do percebe, xerando ingresos complementarios compatibles coa actividade pesqueira e contribuíndo á sustentabilidade económica do sector.

Prevese tamén a creación dun posto de traballo a tempo parcial como guía e o mantemento do autoemprego do promotor, así como un incremento da sensibilización ambiental mediante actividades interpretativas, obradoiros educativos e accións de limpeza e conservación do litoral.

O proxecto contribuirá igualmente á dinamización turística sostible de Carnota, á desestacionalización da actividade turística e ao reforzo da economía azul local, garantindo a participación inclusiva de persoas con discapacidade mediante a aplicación de medidas de accesibilidade.

Principais actividades do proxecto:

Realización de experiencias de turismo mariñeiro na praia de Carnota, centradas no coñecemento do marisqueo a pé e da extracción tradicional do percebe, así como na identificación de especies, técnicas de extracción, seguridade, sustentabilidade e valorización da actividade pesqueira artesanal.
Desenvolvemento de obradoiros de educación ambiental e divulgación do patrimonio mariñeiro en centros educativos, orientados á sensibilización sobre a conservación dos ecosistemas costeiros e á transmisión dos coñecementos e saberes tradicionais vinculados ao sector pesqueiro.
Adquisición de equipamento e medios necesarios para o desenvolvemento das actividades, incluíndo material de protección e seguridade para participantes e guías, materiais divulgativos e un vehículo eficiente para facilitar os desprazamentos ás zonas de actividade.
Aplicación de medidas de accesibilidade e inclusión, adaptando as actividades, os itinerarios, a comunicación e o equipamento para facilitar a participación de persoas con discapacidade en condicións de igualdade, seguridade e non discriminación.

Formulario de busca

Formulario de busca

O Latexo do Mar