A Illa de Arousa acollerá, o próximo 13 de outubro, un taller do proxecto PescaConCiencia, iniciativa desenvolvida no marco do "O Ano Internacional da Pesca e a Acuicultura Artesanais", declarado pola FAO, que ten por obxectivo promover a colaboración entre o sector pesqueiro e o ámbito académico co obxectivo de mellorar o coñecemento sobre a vulnerabilidade do sector, os impactos do cambio climático na pesca artesanal e a identificación de medidas de adaptación. 

 

O obxectivo principal deste obradoiro é divulgar o coñecemento existente sobre cambio climático en Galicia e as evidencias rexistradas na pesca artesanal, crear un espazo de intercambio de coñecemento e experiencia entre o sector e os centros de investigación de Galicia (Universidade de Vigo, Universidade de Santiago, Universidade de Coruña, IEO - Instituto Español de Oceanografía, CSIC - Centro Superior de Investigacións Mariña). 

 

Ademais do GALP Ría de Arousa, nesta xornada participarán representantes das confrarías de San Martiño do Grove, San Antonio de Cambados, A Pastoriza de Vilanova de Arousa, Virgen del Rosario de Vilaxoán; Santiago apostol de Carril, Virxe do Carmen de Rianxo, Cabo De Cruz, Pobra do Caramiñal, San Pedro de Riveira e Carreira-Aguiño.

 

De parte do eido investigador estarán presentes o equipo de Sebastián Villasante da Universidade de Santiago de Compostela (USC); representantes do IEO (Grupo de investigación de microalgas nocivas), Rafa Bañón (Xunta de Galicia / CSIC); e Alba Aguión (Duke University, EEUU-FAO).

Tras cada intervención haberá un debate sobre a percepción do sector aos cambios percibidos, inquedanzas e intercambio de coñecemento e identificación de posibles áreas de colaboración entre academia e sector pesqueiro.

O evento terá lugar na sede da Confraría da Illa de Arousa, na avenida Castelao, 32, na Illa de Arousa (Pontevedra). 

As persoas interesadas en asistir deberán confirmar asistencia cubrindo o seguinte formulario: https://bit.ly/InscricionPescaConCienciaArousa

PROGRAMA