O proxecto ten como obxectivo reforzar e modernizar a capacidade operativa da Confraría de Pescadores Santo Antonio de Cambados, mediante a incorporación dun camión isotermo gasificado con etiqueta ECO e unha nova embarcación destinada a labores de apoio, control e xestión da actividade pesqueira e marisqueira. A adquisición do camión permitirá mellorar a eficiencia enerxética, reforzar a cadea de frío e a seguridade alimentaria e garantindo unha manipulación e transporte do produto en condicións óptimas de calidade e seguridade. Pola súa banda, a incorporación da embarcación ampliará a capacidade de actuación no ámbito marítimo, reforzando as tarefas de apoio ao marisqueo e a pesca, o control da actividade e a protección do medio mariño, contribuíndo a unha xestión máis ordenada e sostible dos recursos. O proxecto persegue fortalecer a sustentabilidade ambiental, modernizar os medios de traballo.