O proxecto consiste na construción dunhas cabanas biosostibles na zona costeira, que servirá como plataforma para a realización e promoción das actividades relacionadas co medio mariño e que promoverá a maridaxe dos produtos do mar con outros produtos da comarca. As biocabanas están construídas nunha parcela situada na Pobra do Caramiñal.

É un establecemento de pequenas dimensións, pero moi funcional e innovador. Conta inicialmente con seis cabanas, as cales están habilitadas expresamente para persoas con mobilidade reducida. As instalacions contan cunha zona común con espazos verdes e outra de recepción. Un dos principais obxectivos do proxecto é crear unhas instalacions cómodas e atractivas que permitan atraer clientela durante todo o ano. Procederase  a realizar una web de reservas conectada aos principais operadores turísticos para sacarlle o máximo rendemento ás instalacions. Para iso, contrataranse os servicios dunha empresa especializada e incorporarase uns equipos informáticos para a xestión das reservas e a contratación das diferentes actividades turísticas que os clientes queiran desfrutar.