O proxecto consiste en dimensionar a actual capacidade de produción da liña de negocio de elaborados de mexillón de V gama para atender a demanda existente. Para isto, ademais de dotar á liña de elaborados dun novo equipamento produtivo nos procesos de pesado, dosificación do mexillón aos envases e termoselado dos mesmos, necesítase ampliar a actual capacidade de depuración de moluscos vivo para abastecer de materia prima á mesma. O proxecto permitiranos medrar non só en capacidade de produción e volume de negocio, senón tamén poder facer fronte á estacionalidade das vendas -aspecto que caracteriza o negocio do mexillón- con métodos de conservación de vida util reducida suxeito unha caducidade reducida e ás particularidades do sector en canto episodios de toxina e desove. A aposta pola liña de negocio de maior valor engadido e a reducción da estacionalidade contribuirá en xeral a unha maior eficiencia dos procesos estratéxicos e dos ratios empresariais como a planificación de compras, a tesourería e, sen dúbida, a estabilidade do emprego de calidade, unha aposta e un compromiso coa responsabilidade social da empresa na comarca do Salnés.