O proxecto consiste na mellora da gobernanza da xestión marisqueira no ámbito territorial da Confraría de Pescadores A Pastoriza de Vilanova de Arousa delimitando as zonas de explotación ben diferenciadas para as modalidades de a pé e a flote. Pretendese acadar unha mellor coxestión dos recursos e hábitats costeiros de importancia para a produción dos organismos mariños dun modo responsable, equilibrado, sustentable e competitivo, que a súa vez permita mellorar as condicións de vida e traballo dos homes e mulleres do mar e garanta o seguimento da súa explotación. Este proxecto pretende axudar a unha xestión sostible da explotación dos recursos marisqueiros e dos hábitats costeiros dentro do ámbito territorial da confraría de Vilanova de Arousa, baseada fundamentalmente na que os mariscadores e mariscadoras teñan coñecemento do medio que poden traballar e colaborar nun control rigoroso no acceso a eses recursos, e na formación dos produtores para unha axeitada organización do seu traballo e zonas.