Onte tivo lugar no Edificio de Servicios Multiples de Culleredo a xornada "Un mar de oporunidades laborais", organizada polo GALP Golfo Artabro Sur co obxectivo de abordar a inserción laboral das persoas con diversidade funcional. Para isto, levouse como exemplo de boas prácticas proxectos dalgúns GALPs galegos.

 

O GALP Ría de Arousa presentou o proxecto "Formartea", realizado pola Asociación BATA de Vilagarcía de Arousa. A orientadora laboral de dita asociación, Paula Ramos Díaz, falou sobre o desenvolvemento dese proxecto, que consistía na formación teórica-práctica das persoas con autismo en traballos relacionados coa pesca e a protección do medio ambiente. A xerente do GALP, Rosa Carballo remarcou a importancia destes proxectos para posibilitar a integración das persoas con diversidade funcional a través da súa inserción no mercado laboral.