Trátase dun proxecto que involucra catro sectores relevantes como son o mar, a cultura, a educación e a investigación. O plan proposto iníciase no 2023 e exténdese ata o 2024 desenvolvéndose en dúas fases. A primeira consiste na elaboración e impresión das obras literarias infantís e na creación de materiais didácticos de apoio. A segunda é a difusión mediante a intervención lectora en escolas de primaria a cargo de persoas do sector do mar e profesionais da divulgación.
Home
> 40 anos
Non
Non
Non
Non
O obxectivo do proxecto é a transmisión do coñecemento xerado en universidades e centros de investigación ás xeracións novas a través de obras literarias infantís e de materiais didácticos asociados ás mesmas, así como a transmisión do patrimonio inmaterial vinculado á pesca e o marisqueo da Ría de Arousa. Preténdese dar respostas a cuestións centrais do cambio climático, pesca e sostebilidade do medio mariño baseadas no rigor científico. Ao mesmo tempo preténdese promover a carreira investigadora e as profesións asociadas ao marisqueo e a pesca espertando o interese nas novas xeracións. As obras literarias incidirán no rol da muller na ciencia e no mar e empregarán historias mariñeiras tradicionais, coñecementos e saberes populares característicos do sector na ría de Arousa e a talasonimia asociada, para fortalecer a conservación dos mesmos nas xeracións devandeiras.
Catro obras literarias enfocadas no público infantil que resaltan os valores da Ría de Arousa facendo énfase na talasonimia e tradicións pesqueiras e marisqueiras da zona, achegando unha visión científica sobre as problemáticas do cambio climático.
Actividades didácticas cos 7 colexios do concello de Boiro que axuden a transmitir a importancia do coidado do medio mariño, dos valores culturais asociados ao sector pesqueiro e marisqueiro así como o rol da muller vinculado ao coidado do océano.
ACCIÓN 1: deseño de personaxes específicos que axuden a dar entidade á serie contos. Unha personaxe interpretada por unha muller investigadora e mariscadora que unificará coñecemento tradicional e científico para demostrar a importancia de ámbolos dous na conservación do ecosistema marítimo-costeiro.
ACCIÓN 2: creación de catro obras literarias onde o personaxe protagonista desenvolve distintos temas de relevancia no coidado e conservación do medio mariño e que poñen en valor o patrimonio cultural e a talasonimia da Ría de Arousa.
ACCIÓN 3: creación de materiais didácticos asociados a cada obra literaria infantil que faciliten a súa divulgación e difusión dos valores culturais e patrimoniais así como de conservación do mar entre o público obxectivo.
ACCIÓN 4: maquetación e impresión das obras literarias. Realizaranse 200 copias de cada obra, a cor, en materiais sostibles …..
ACCIÓN 5: divulgación das obras literarias en colexios de primaria e bibliotecas a través de actividades de contacontos e actividades complementarias á lectura que axuden á transmisión dos coñecementos e información das obras
Fomento do benestar social e do patrimonio cultural das zonas pesqueiras e acuícolas, incluíndo o patrimonio cultural pesqueiro, acuícola e marítimo
Conseguir que a ría de Arousa teña unha identidade propia vinculada ao patrimonio cultural marítimo e pesqueiro
Non
Non
Non
Non
Non
Crecemento azul
Cambio climático e transición enerxética a unha economía de baixas emisións de carbono
Creación de emprego e integración social (mulleres, mozos/as e inclusión social)