Unha representación do Galp Ría de Arousa vai participar, xunto cos outros sete Grupos de Acción Local do Sector Pesqueiro, no acto final do proxecto de cooperación Morada Atlántica +. Espazo Atlántico, que terá lugar o vindeiro xoves 19 de decembro ás 17:00 no Océano Surf Museo, en Valdoviño (Avenida Gándara de Abaixo, s/n).

O acto contará participación de Rosa Quintana Carballo, conselleira do Mar, Susana Rodríguez Carballo, directora xeral de Desenvolvemento Pesqueiro, Alberto González Fernández, alcalde de Valdoviño e Evaristo Lareo Viñas, presidente do GALP Costa da Morte.

O evento incluirá a inauguración da exposición "O océano que nos une", a mostra itinerante da Rede de Espazos Museísticos Atlánticos (REMA).

As persoas interesadas en acudir, aínda poden confirmar a súa asistencia enviando un mail a info@redrema.eu ou ben contactando no teléfono 636 111 893.