Proxecto turístico emprazado na Casa Rectoral de Bamio e a súa finca, que completa os servizos ofrecidos polos aloxamentos próximos e mostra a cultura de Galicia con propostas innovadoras. Enfocado cara ao turismo gastronómico e potenciando o produto local ou de proximidade, basea a súa oferta no que procede da ría con pratos elaborados no restaurante, produtos envasados para vender na tenda gourmet e que se poden degustar na barra de tapas. Ademais dispón de espazos para exhibicións de cociña, obradoiros, excursións de pesca e posterior cociñado ou presentacións de produto, mesmo mercados artesanais. E a oferta complétase con turismo lúdico e deportivo enfocado á Praia de Bamio con óptimas condicións de mar e vento, que fan que a práctica do skatesurf gañe cada día máis adeptos.