Sorry, you need to enable JavaScript to visit this website.

RELEVO 2020

Poñemos en marcha o  proxecto RELEVO 2020 .

Trátase dun proxecto de colaboración promovido polos seguintes Grupos de Acción Local do Sector Pesqueiro de Galicia:

 

GALP A MARIÑA - ORTEGAL.

GALP GOLFO ÁRTABRO NORTE.

GALP GOLFO ÁRTABRO SUR.

GALP SEO DE FISTERRA, RÍA DE MUROS - NOIA.

GALP RÍA DE AROUSA.

 

A proposta, de carácter formativo, busca o relevo xeracional no sector pesqueiro a través da capacitación de mozos e mozas mediante formación e mellor coñecemento dos recursos.

 

Ademais entre os seus obxectivos tamén se atopan:

- Poñer de manifesto a importancia de preservar os recursos e zonas costeiras e loitar en contra do cambio climático.

- Sensibilizar aos xóvenes na importancia do sector pesqueiro, no desenvolvemento territorial e a súa repercusión no patrimonio, desenvolvemento turístico e oferta gastronómica.

- Facilitar espazos de posta en común, en relación ao sector pesqueiro, para  mozos e mozas do territorio que teñen inquietudes e obxectivos comúns e moito que aportar nos eidos pesqueiro e social.

- Continuar apoiando a profesionalización do sector pesqueiro e fomentando a innovación para que se siga a manter como un motor da nosa economía a través da creación de emprego, apoio á empleabilidade e/ou inclusión social.

 

O desenvolvemento terá lugar nos territorios, ámbito de influencia dos GALP participantes durante as anualidades 2020 e 2021 e o seu destinatario serán xóvenes con idades comprendidas entre os 16 e os 30 anos. Haberá un número de prazas limitadas, igual en todos os territorios.

 

A iniciativa estructúrase segundo as seguintes actuacións:

1 SEMINARIOS. A través dun programa de contidos previamente establecido.

2 TITORÍAS INDIVIDUALIZADAS.

3 SAÍDAS DE CAMPO PARA ESTUDO DOS RECURSOS LOCAIS.

4 ENCONTROS CON OUTROS MOZOS E MOZAS CON EXPERIENCIA.

5 VISITAS PARA COÑECEMENTO DOS RECURSOS DO SECTOR PESQUEIRO NOUTROS TERRITORIOS.

 

No marco de desenvolvemento e promoción do proxecto haberá ademais actos de presentación e clausura oficiais.

 

A información pormenorizada do proxecto e as súas actuacións sobre como inscribirse e participar ou asistir ao acto de presentación así como outros detalles que precisedes coñecer para a súa difusión, farémolos chegar en posteriores comunicacións.